Седница за пратенички прашања во Собранието

Денешната собраниска седница посветена на пратенички прашања досега помина во процедурални забелешки и во изјаснување на пратениците за одговорите што ги добиле во писмена форма. 

На самиот почеток на седницата по барање на координаторот на пратеничката група на ВМРО-ДПМНЕ Илија Димовски беше даден еден час пауза. Димовски во процедуралната забелешка рече дека  од денеска оваа седница може да се нарекува седница за мобинг и оти претставниците на власта имаат право да не одговараат на прашањата на пратениците и да ја напуштат седницата. Ова сознание, како што рече Димовски, го обелоденил еден специјален човек со специјална мисија. 

Во продолжението на седницата, координаторот на пратеничката група на СДСМ, Горан Сугаревски обвини дека пратениците од парламентарното мнозинство прават се само на дневен ред да не дојде поставувањето на пратенички прашања.

Попладневниот дел од седницата ќе продолжи по редовната едночасовна пауза.