Се урна хеликоптер на обиколницата во Мадрид, три лица се повредени

Хеликоптер изутрината се урна на обиколницата во Мадрид и три лица се полесно повредени, јавија шпанските медиуми. Хеликоптерот се урна на патот М-40 на северот на Мадрид, недалеку од велесаемот ИФЕМА, каде деновиве се одржуваше саем на европското воздухопловство Европски ротор.

На местото на несреќата се наоѓаат возила со пожарникари и Брза помош.

Едниот од пилотите на хеликоптерот сам излегол од леталото, а на другиот му помогнала спасувачката служба, јави шпанската јавна телевизија ТВЕ. Првиот има полесни повреди на главата, а вториот на бутната коска.

Полесно е повредено и уште едно лице, возачот на автомобил кој поминувал и се здобил со расекотини од скршено стакло.

Причината за несреќата се уште не е позната, а истрагата е во тек.