Се реконструира фасадата на битолскиот Музеј
Националната установа Завод и Музеј-Битола почна со реконструкција и конзервација на фасадата на Музејот, еден од најзначајните културно историски споменици во градот, објект во минатото познат како воена гимназија во која учел Мустафа Кемал Ататурк.
Според проектната документација и планот за работа, градежните активности стартуваа со реконструкција на фасадата од западната страна, што според експертите од Музејот во Битола била и најоштетена.
– Интервенција врз фасадата со целосна конзервација и промена на дограмата вршиме по пауза подолга од 30 години. Проектот е поддржан од Министерството за култура и е континуирана активност во рамки на годишната програма која почна минатата година. До крајот на минатата година извршивме реконструкција и обнова на дел од археолошките депоа во Музејот, а сега сме подготвени за конзервација на фасадата. Паралелно со реконструкцијата на фасадата ќе биде решен проблемот со атмосферските води и други проблеми со кои се соочувавме и кои вршеа оштетувања на објектот, истакна д-р Мери Стојанова, директор на НУ Завод и Музеј-Битола.
Новиот лик на фасадата на НУ Завод и Музеј-Битола од западната страна на објектот се очекува да биде комплетиран со партерно уредување и паркинг простор за што се очекува поддршка од локалните комунални сервиси и посебно од ЈП „Комуналец“ и ЈКП „Нискоградба“ со кои националната установа има соработка.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка