Се продава „куќата на Хари Потер“

Куќата која била користена во филмовите за Хари Потер, како семеен дом на малиот волшебник, е понудена на продажба. 

Славната „куќа во која пораснал Хари Потер и во која го минал детството“, како што стои во огласот, се наоѓа во местото Брекнел.

Куќата има голем дневен простор, три спални соби и простран двор.

Сопственичката на куќата се обидела да ја продаде уште во 2003 година, надевајќи се дека благодарение на Хари Потер ќе добие повисока цена за неа, но откако не ја добила саканата сума се откажала од продажбата.

Сега куќата повторно се нуди на продажба, при што сопственичката одново се обидува да профитира од приказната за детето-волшебник.