СДСМ: Со ребалансот обезбедуваме пари за поголеми плати и пензии
Ребалансот на Буџетот за 2022 година изготвен од Владата предводена од СДСМ кој влезе во собраниска процедура има за цел да обезбеди продолжување на досегашните мерки и политики за справување со последиците од светската економска криза.
Со Ребалансот се остварува заштеда на сериозни средства кои ќе се искористат за директна помош за граѓаните и стопанството.
Дополнителни 76 милиони евра обезбедуваме за поддршка на граѓаните и стопанството, како и 52 милиони евра што ќе се искористат за поддршка на земјоделците, за раст на платите и пензиите.
Граѓаните да бидат спокојни, обезбедени се средства за нови таргетирани мерки за помош, за усогласување на платите на буџетските корисници со растот на минималната плата, како и за рекордно зголемување на пензиите од септември, согласно новата усвоена методологија.
Со ребалансот предвидени се финансиски средства за капитални инвестиции во патната и железничка инфраструктура, гасификација но и инвестиции во обновливи извори на енергија што е особено важно во време на светска економска и енергетска криза.
И во време на криза Владата и парламентарното мнозинство преку одговорни мерки и политики успева економијата да ја задржи на стабилни основи и таа да остане ликвидна.
Очекуваме опозицијата да ги стави интересите на граѓаните на прво место и ребалансот да биде усвоен што побро, затоа што е важно поддршката за граѓаните и компаниите да биде постојана и навремена.
Центар за комуникации со јавноста
Ново на Сител
-
Договор САД-ЕУ: 15% царини за извоз на европски стоки во САД, 0% за американски производи во ЕУ
-
Словенија и Франција ни понудија помош за гаснење на пожарите, надлежните велат состојбата е под контрола
-
Таравари и ДУИ договориле заеднички листи
-
Собранието утре ќе одлучува за интерпелацијата на Коцевски
-
Мицкоски најави мерки против растот на цените, анализата е во завршна фаза
-
Пуштен првиот од петте заглавени базени
-
Општина Аеродром ќе добие мултимедијален центар со кино сала за околу 250 посетители
-
Преглед на вестите од светот