СДСМ: Се спроведуваат проекти за подобар живот на граѓаните
Парламентарното мнозинство и Владата предводена од СДСМ продоложуваат со спроведувања на зацртаните мерки и проекти што го унапредуваат квалитетот на живот и носат повеќе пари назад кај граѓаните, соопшти денеска СДСМ.
Потенцираат дека е започнат рокот за аплицирање односно се спроведува мерката со која работниците со ниски примања и приходи до 22 илјади денари ќе можат да искористат петдневен бесплатен субвенциониран одмор вон сезона во некои од домашните туристички центри.
Со поднесениот предлог-закон за материјално обезбедување на невработените лица поради приватизација на претпријатијата со доминантна сопственост на државата, пак, материјално ќе се обезбедат над 3.500 лица кои месечно ќе добиваат 7.596 денари, посочува СДСМ.
Како што укажува, со усвојување на Законот за минимална плата предложен од парламентарното мнозинство, сите вработени во сите стопански гранки ќе добиваат повисока минимална плата во висина од 12.000 денари, вклучително и вработените во текстилната, кожарската и текстилната индустрија кои досега добиваа пониска минимална плата.
Ќе се укине, потенцираат, радиодифузната такса која повеќе нема да биде финансиски трошок за граѓаните, а од први октомври се враќа и дневната евтина тарифа на струјата, секој ден по два часа и 24 часа во недела.
Ново на Сител
-
ВМРО-ДПМНЕ: Нема веќе лекови на реверс од омилената веледрогерија
-
Веќе пет дена гори депонијата кај Прилеп
-
Штипска Онкологија има недостаток од кадар и просторни услови
-
Мицкоски во касарната ,,Гоце Делчев"
-
Преглед на вестите од светот
-
Вучиќ: Србија останува стабилна, нема одлука за избори по оставката на премиерот
-
Изненадувачки голема реколта на тутун годинава во Македонија
-
Тема на денот со Маријана Лончар Велкова, претседателка на организација на потрошувачи