СДСМ: Пописот е патриотски чин, секој граѓанин да даде придонес во развојот на својата татковина

Најсложената статистичка операција – пописот на населението и домаќинствата во државата ќе се спроведе по речиси две децении, согласно сите стандарди на Евростат и Обединетите нации и со почитување на протоколите за заштита на здравјето на граѓаните.

Институциитеќе дејствуваат согласно препораките на стручните лица од Комисијата за заразни болести.

Пописот, што ќе се одржува наредниот месец, е патриотски чин.

Со учество во пописот секој граѓанин дава придонес во развојот на својата татковина, на своето населено место.

Од друга страна, повикот на бојкот е неодговорно однесување и ја води државата во ситуација кога развојот не може да се планира на факти, туку на претпоставки.

Пописот на населението е од клучно значење за развојот на државата, за граѓаните, а по него ќе може да се креираат мерки и политики кои одговараат на вистинските потреби на граѓаните – економски, здравствени, образовни, социјални, културни, со што ќе се унапредат и нивните права и придобивки.

Центар за комуникации со јавноста на СДСМ