СДСМ: Мицкоски вели пописот не бил здравствено безбеден, а неговата ВМРО-ДПМНЕ организира протести

Партијата предводена од губитникот Христијан Мицкоски која глуми загриженост за здравјето на граѓаните, продолжува со деструктивноста одржувајќи протести и загрозувајќи го јавното здравје.

Мицкоски вели дека нема да примал попишувачи, дека пописот не бил безбеден по здравјето на граѓаните, а неговата ВМРО-ДПМНЕ безпочитување на мерките одржува протести и масовни собири.

Тоа е тешко лицемерие, хипокризија на дело.

Од почетокот на пандемијата, па до денес ВМРО-ДПМНЕ и Мицкоски се на погрешната страна, на спротивната страна од интересите на граѓаните и здравствениот систем.

На ВМРО-ДПМНЕ и Мицкоски не им е грижа ниту за јавното здравје, ниту за здравствениот систем, ним им се важни само личните и партиските интереси.

Последен од низата докази за тоа беше вчерашниот нивен лицемерен протест пред Министерството за здравство.

Граѓаните одамна ја препознаваат деструктивноста на Мицкоски и ВМРО-ДПМНЕ.

Токму затоа шест пати ги казнуваат на избори и токму затоа повторно ќе ги казнат на изборите наесен.

Центар за комуникации со јавноста на СДСМ