СДСМ: Мицкоски молчи за договорите на Орце Ѓорѓиевски и 100.000 евра за партиски вработувања

Христијан Мицкоски молчи за скандалозните договори на градоначалникот на Кисела Вода Орце Ѓорѓиевски кој го крчми буџетот на општината на блиски луѓе, партиски соработници и на медиумски гласници на ВМРО-ДПМНЕ.

Во време на криза, кога општината се жали дека нема пари да плаќа струја и парното, Ѓорѓиевски ќе потроши 100.000 евра за вдомување на свои блиски луѓе.

Да не беше лицемер, Мицкоски ќе му кажеше на својот градоначалник парите кои ги наменил за партиски вработувања и непродуктивни трошоци да ги пренамени за потребите на граѓаните.

Мицкоски не може да се помири со тоа што мерките на Владата предводена од СДСМ вредни 400 милиони евра даваат резултати, додека неговите градоначалници кои се жалат на празни општински буџети се фрлени на расипништво и вдомување партиски кадри.

Центар за комуникации со јавноста