СДСМ: Иванов е должен да го даде мандатот за формирање влада
СДСМ преку пишано соопштение порачува дека претседателот Ѓорге Иванов е должен да постапи според Уставот и да го даде мандатот за формирање влада.
- Ѓорге Иванов мора да престане со неразумното однесување и да почне да ги почитува уставните задолженија. Многу скоро Иванов ќе добие официјално известување од новиот собраниски претседател, преку кое ќе биде информиран дека има демократски формирано легитимно парламентарно мнозинство. Од тој момент, Иванов мора да постапи согласно Уставот и волјата на граѓаните и да го даде мандатот на претседателот на СДСМ, Зоран Заев, да ја формира новата влада, се вели во соопштението од СДСМ.
Се нагласува дека јавно објавената програма на новата реформска влада ја гарантира целовитоста и унитарноста на Македонија, со што се исцрпуваат сите оправдувања за недоделување на мандатот.
- Македонија ќе добие нова реформска влада за која гласаше мнозинството граѓани. Иванов ќе мора да го прекине самоволието со кое наштетува на државните и националните интереси. Секое дело спротивно на државните интереси е противуставно и казниво, се потенцира во соопштението од СДСМ.
Ново на Сител
-
Благодатниот оган се спушти во храмот над Светиот гроб во Ерусалим
-
Серафимов: Цената на месото не е зголемена за Велигден
-
Вучиќ: Тајван е Кина и точка
-
Одбележување на годишнината од масовното убиство во Мало Орашје и Дубона
-
Во Пустец откриена спомен-биста на Гоце Делчев
-
Во црквата „Св. Спас“ одбележани 121 година од смртта на Гоце Делчев
-
Тешка сообраќајка во Прилеп: Се судриле камион и мопед, возачот на камионот избегал
-
Нова авиолинија Скопје-Рига-Скопје