СБ на ОН ќе расправа по тврдењата на Москва дека САД разработуваат биолошко оружје во Украина
Советот за безбедност на ОН ќе се состане денеска на барање на Русија, на расправа по однос тврдењата на Москва дека САД финансираат разработка на биолошко оружје во капацитети во Украина.
„Руската мисија побара состанок на Советот за безбедност на 11 март за да се разговара за воените биолошки активности на САД во Украина“, објави на „твитер“ Дмитриј Полјански, првиот заменик постојан претставник на Русија во ОН.
САД во средата ги негираа повторените руски обвинувања дека Вашингтон има лаборатории за биолошко оружје во Украина, отфрлајќи ги тврдењата како „смешни“ и сугерирајќи дека Москва можеби на тој начин поставува основа за употреба на хемиско или биолошко оружје во конфликтот.
Во вторникот вечерта Русија ги повтори обвинувањата изнесени пред неколку години дека САД финансират разработка на биолошки агенси со украински лаборатории. Таквите наводи се појавија во руските медиуми пред воената интервенција на Москва врз Украина, а во средата ги изнесе портпаролката на Министерството за надворешни работи, Марија Захарова.
Седницата на Советот за безбедност по прашањето треба да се одржи во претпладневните часови по локално време.
Популарно од Свет
Ново на Сител
-
МВР се вклучува во камањата „Помисли двапати“
-
Денеска се празнува Воведение на Пресвета Богородица
-
Седница на Уставен суд
-
ОН бараат 47 милијарди долари за помош во 2025 година
-
Сијарто апелира на меѓународна акција против прогонот на христијаните на Блиски Исток
-
Рускиот амбасадор во ОН ја обвини Украина дека им помага на сириските бунтовници
-
Променливо облачно време со услови за слаб локален дожд
-
Магла на планинскиот превој Буково
