Саудискиот крал избра нов престолонаследник

Саудискиот крал Салман го прогласи неговиот син, принцот Мохамед бин Салман за наследник на престолот, на местото на досегашниот престолонаследник, неговиот роднина, принцот Мохамед бин Најеф.

Мохамед бин Салман со ова именување стана и заменик премиер, а ја задржа и функцијата министер за одбрана, како и останатите должности што ги извршуваше и досега. 

Иако унапредувањето на Мохамед бил Салман беше очекувано, сепак дојде во неоочекуван момент, кога Саудиска Арабија се соочува со ескалација на односите со Катар и Иран и со големата криза во Јемен. 

Мохамед бин Салман досега ги водеше воените интервенции во Јемен, ја диктираше енергетската политика со глобалното влијание и ги креираше плановите за економската иднина на земјата за времето кога повеќе нема да има нафта.