Самостојна изложба на фотографии „Тетово џез моменти“ на Глигор Кондовски

Глигор Кондовски од Тетово вечерва одржува самостојна изложба на фотографии насловена „Тетово џез моменти“, во концертната сала на државното музичко училиште „Тодор Скаловски Тетоец“. Свеченото отворање е во 18 часот, а настап на пијано ќе има Анастасија Волчевска.

-Тоа се фотографии кои пренесуваат комплетнa уметничка катарза, документирано, доловувајќи ја автентичната природа на емоционалната експресија при интерпретација на џез музиката. Џез културата во Тетово, која се развива тивко и сигурно, не забрзано и минливо, а која остава трага, спонтано без дефинирано време, во слободен свинг (swing), пишува М-р Катерина Момева, драматург, сценарист.