„Самоопределување“ во Тирана: Протестите не се удар врз косовската туку српската Влада
Поранешниот лидерот на косовското движење „Самоопределување“ и актуелен пратеник Албин Курти, од Тирана порача дека опозицијата се залага за стабилност на Косово и регонот и дека протестите не се насочени кон косовската, туку се силен удар кон српската Влада.
- Ние сме за регионална стабилност и стабилност на Косово. Ние сме за развој на земјата и првосудстото. Можеме да имаме мир и стабилност. Протестите на опозицијата во Косово не се удар врз косовската, туку силен удар кон српската влада. Ние не сме против Србите, туку Србија е против нас, изјави Курти, пренесува дописникот на МИА од Тирана.
Според него многу значајно е Србија да се дистанцира од Русија и во тој контекст смета дека колку руското влијание на Балканот е помало толку подобро е за Албанците.
Заедно со Курти во Тирана беше и лидерот на „Самоопределување“, Висар Имери кој рече дека „косовската опозиција ќе продолжи со својата иницијатива за да ги спаси граѓаните на Косово од канџите на владата".
Тој ги повтори обвинувањата до актуелната косовска влада во врска со постигнатите договори со Србија, оценувајќи дека тие сериозно ја загрозуваат независноста на Косово.
- Се ова што се случува го доведува во прашање статусот на Косово, дали ќе биде или не Република. Ние се обидуваме да ги спасиме косовските граѓани од канџите на Владата, изјави Имери.
Двајцата учествуваа на собир со симпатизери на „Смоопределување“ одржан во Националниот историски музеј во Тирана, посветен на актуелната политичка ситуација на Косово и следните активности на косовската опозиција, која и понатаму најавува протести против договорот за Заедницата на српски општини, како и за демаркација на косовско-црногорската граница.
Ново на Сител
-
Ковачевски поднесе оставка од функцијата претседател на СДСМ
-
ЦУК: Поплавени дворови и подрумски простории во Драчево
-
Авион принудно слета на аеродромот во Тирана, патник се обидел да се самоубие
-
ДСЗИ изврши надзор на Токсикологија, склучените договори за работа се со потпис на еден директор
-
ДИК: Излезноста до 13 часот е 25,48 проценти, поголема во однос на 8 мај
-
Умерен земјотрес во Романија
-
Говор на омрза врз срцето со македонско знаме и букви на натписот Гостивар
-
Просечната нето плата во март 40 496 денари