САД забележа најголем трговски дефицит од 2012 година

Трговскиот дефицит на САД во јануари се искачи на највисоко месечно ниво за речиси пет години, соопшти денеска американското Министерство за трговија.

Трговскиот дефицит во јануари изнесува 48,5 милијарди долари, што е за 4,2 милијарди долари повеќе во однос на декември и е најголем дефицит од март 2012 година, се посочува во соопштението.

Дефицитот делумно е последица на месечниот пад на извозот на цивилни авиони и мотори во вредност од 1,2 милијарди долари.

Споредбено со јануари минатата година трговскиот дефицит е поголем за 12 отсто, при што растот на увозот од 8,3 проценти е поголем од извозот што изнесува 7,4 отсто.

Дефицитот во трговијата на стока со Кина забележа раст од 13 проценти во однос на нивото од декември, а исто така е забележано и зголемување на дефицитот во трговијата со Мексико и Саудиска Арабија