САД следат предупредувања за руските воени активности во близина на Украина
– САД следат доволно знаци и предупредувања за руските воени активности во близина на Украина кои предизвикуваат „голема загриженост“ и се чини дека руската реторика е поостра, изјави американски воен претставник.
Марк Мили, началникот на Здружениот Генералштаб на САД, одби да шпекулира за опциите што САД би можеле да ги разгледаат во случај на руска инвазија. Сепак, во еден од неговите најобемни коментари за кризата, Мили ја истакна важноста на суверенитетот на Украина за Вашингтон и за НАТО.
„Доколку има отворена агресија од руска воена акција во независна нација-држава од 1991 година, интересите на националната безбедност на САД и членките на НАТО се во прашање“, рече Мили за време на летот од Сеул до Вашингтон.
Украина соопшти дека Русија натрупала повеќе од 90.000 војници долж границата. Но, Москва ги отфрли сугестиите дека се подготвува да го нападне јужниот сосед и го брани своето право да распореди трупи на своја територија како што и одговара.
Мили одби јавно да ја објави својата проценка за бројот на руските сили во близина на Украина, но сугерираше дека неговата загриженост оди подалеку од бројот на руски војници.
„Нема да ви кажам што следиме и индикатори или предупредувања од разузнавачка гледна точка, но ги следиме сите“, рече Мили. „И сега ги има доволно за да предизвикаат голема загриженост и ние ќе продолжиме да следиме“.
Ново на Сител
-
ЦУК: Паднато дрво на бул. „Александар Македонски“ во Автокоманда
-
Блинкен: САД се против принудно иселување на Палестинците од Газа
-
Течат роковите за приговори за изборите и инаугурација на новата претседателка
-
Џафери ќе информира за работата на техничката Влада
-
Путин повторно го предложи Михаил Мишустин за премиер
-
Вучевиќ честиташе на ВМРО-ДПМНЕ и Сиљановска Давкова: Се радувам на соработката за доброто на двете држави и двата народа
-
Средба на началниците на генералштабовите на армиите на Норвешка и Северна Македонија
-
Нетанјаху: Немаме избор освен да го уништиме Хамас