И најмладиот син на Трамп влегува во политика
Иако сè уште нема завршено матура и средно училиште, Барон Трамп, најмладиот син на Доналд Трамп, поранешниот претседател на САД, влегува во политичката арена. Имено, како што пренесува „Politico.eu“, Барон Трамп (18) е избран за делегат на Републиканската партија на националната конвенција.
Барон и другите двајца синови на Трамп, Доналд Трамп Јуниор и Ерик Трамп, ќе бидат партиски делегати од Флорида, каде што Трамп се пресели по напуштањето на Белата куќа. Интересно е што за делегат е избрана и помладата ќерка на Трамп, Тифани Трамп Булос, како и нејзиниот сопруг Мајкл.
Делегатите на Републиканската партија ќе учествуваат на националната конвенција што ќе се одржи во јули во Милвоки.
Иванка Трамп е единственото од петте деца на Трамп што остана надвор од политиката откако беше негов постар советник за време на неговиот четиригодишен мандат во Белата куќа. Како и нејзините други браќа и сестри, и таа се преселила на Флорида.
Последните истражувања на јавното мислење покажуваат дека Трамп води пред Џо Бајден на Флорида за повеќе од десет процентни поени. Тој победи на изборите во оваа држава во 2016 и 2020 година.
Ново на Сител
-
ГЕРБ победи, но е далеку до 121 пратеник за формирање влада во Бугарија
-
Советот за безбедност на ОН се очекува утре да расправа за израелските напади врз Иран
-
27 годишник од Гана силувал 32 годишна скопјанка во Кисела Вода
-
Бројот на загинати во невремето Трами на Филипините се искачи на 138
-
Во Батинци загина пешак откако бил удрен со возило
-
Израелските војници убиле висок командант на Хамас на Западниот Брег
-
Мицкоски за оставката на Комисијата за помилување: По направена грешка, ако се превземе одговорност, тогаш тоа е доблесно
-
Грција ја следи ситуацијата со балканската рута и поради опасноста меѓу мигрантите да има борци од Хамас