САД: Русите се на 25 километри од Киев и во предградијата на Харков и Чернихив

Руските сили се наоѓаат на околу 25 километри од центарот на Киев и 10 километри од центарот на Чернихив и Харков, изјави денеска за новинарите висок функционер на американското Министерство за одбрана.

Што се однесува до Харков и Чернихив, 10 километри од центарот „всушност значи дека тие се во предградијата на тие градови“, додаде тој.

Русите имаат подобар напредок на југот, рече тој, додавајќи дека САД не ги негираат информациите за падот на Херсон во руски раце, но не можат самостојно да ја потврдат таа информација. Русите се уште не го освоиле Мариопол на југот на земјата, изјави американскиот функционер и додаде дека во градот се водат жестоки битки.

„Имаме информации дека Русите продолжуваат да напредуваат кон Мариопол, но проценуваме дека се уште ги нема. „Тие продолжуваат да го бомбардираат градот“, рече тој, додавајќи: „Тие сакаат да го заземат од север и да освојат позиции на Азовското Море“.