САД ја повикаа Русија да изврши притисок врс Асад за прекин на нападите врз сириската опозиција

Американскиот државен секретар Џон Кери уште еднаш го повика својот руски колега Сергеј Лавров да изврши притисок врз режимот на сирискиот претседател Башар ал Асад да ги прекине бомбашките напади врз сириската опозиција, соопшти Стејт департментот.

- Русија има специјална одговорност да изврши притисок врз режимот, за да се стави крај на тие напади, во кои се убиват цивили, да се овозможи итна доставка на хуманитарна помош и целосно да се почитува спогодбата за прекин на борбените дејствија, изјави портпаролот на Стејт депаертментот Марк Тонер.

Тонер додаде дека САД и Русија не ја разгледуваат можноста за заеднички напади врз Сирија.