САД ја осудија објавата на Макрон за признавање на палестинска држава
Соединетите Американски Држави остро го критикуваа соопштението на францускиот претседател Емануел Макрон дека ќе ја признае палестинската држава, нарекувајќи го овој потег невнимателен и штетен за мировните напори, пренесе ДПА.
– Оваа невнимателна одлука служи само за пропагандата на Хамас и го кочи мирот, напиша американскиот државен секретар Марко Рубио на X.
– Овој потег е шлаканица во лице за жртвите на масакрот од 7 октомври, додаде тој.
Макрон синоќа на X соопшти дека има намера формално да ја признае Палестина како држава за време на Генералното собрание на Обединетите нации во септември.
Терористичкиот напад на Хамас на 7 октомври 2023 година, во кој беа убиени повеќе од 1.200 луѓе и над 250 беа киднапирани во Газа, ја предизвика војната меѓу Израел и милитантната група во Газа.
Ново на Сител
-
Определен притвор за четворица осомничени за пукањето во Тетово
-
Бела куќа: Трамп и Путин ќе имаат состанок в петок во Енкориџ
-
Свечена седница по повод 24 години од потпишувањето на Охридскиот рамковен договор
-
Ангелов: Борбата со пожарот во ловиштето Јасен продолжува, успешно изгасната една линија, теренот останува критичен
-
Го живеам мојот сон, сакам да ме паметат по дела | Орце Ѓоргиевски | Неформално | Sitel Podcast 108
-
ЦУК: Активни пожари во Јасен, Свиларе, Радуша и уште четири локации
-
Студентската листа е 99 отсто завршена, во неа нема опозиција ниту влада, тврдат српските студенти во блокада
-
Израел тврди дека нема масовна глад во Газа