Сабаленка пред финалето со Андреева: Како да играат стара мајка со дете

Белоруската тенисерка Арина Сабаленка ги сподели своите очекувања за мечот против 17-годишната Русинка Мира Андреева во финалето на турнирот во Индијан Велс.

Во полуфиналето на Мастерсот 1.000, 26-годишната Белорусинка ја победи Американката Медисон Кис (6:0 и 6:1), додека Андреева ја победи Ига Швјонтек од Полска (7:6 (7:1), 1:6 и 6:3.

- Неверојатно е за што е способна, а е толку млада. Импресивно е тоа што го прави. Со нетрпение чекам да го играме мечот, како стара мајка кога си игра со дете... О боже, јас сум девет години постара од неа, таа е само 2 години помлада од сестра ми, а јас се грижам за сестрите, толку е лудо... 

Мечот меѓу Сабаленка и Андреева ќе се одигра утревечер со почеток во 19 часот.

Минатиот месец руската тенисерка го освои Мастерсот 1.000 во Дубаи, освојувајќи ја првата титула сезонава и втора во кариерата. 

Сабаленка годинава го освои турнирот во Бризбејн.