Рускиот амбасадор во посета на Општина Кисела Вода
Амбасадорот на Руската Федерација Сергеј Баздникин денеска ја посети Општина Кисела Вода и имаше средба со градоначалникот Филип Темелковски.
На средбата се дискутираше за актуелните состојби во Општина Кисела Вода, како и за сето она што се презема за да се надмине проблематичниот период поврзан со коронавирусот. Во пресрет на Денот на раѓањето на големиот руски поет Александар Сергеевич Пушкин, кој Општина Кисела Вода го празнува секој 6-ти јуни со манифестацијата „Пушкинови денови“, градоначалникот и амбасадорот ги договараа насоките за годинашното одбележување кое, согласно условите ќе мора да има видоизменет карактер.
Идејата за одржување на ова културно збиднување датира од 2009 година, на заедничка иницијатива од Амбасадата на Руската Федерација и Општина Кисела Вода, во знак на продлабочување на културната соработка помеѓу двете пријателски земји. Во контекст на пријателството, во Општина Кисела Вода е именуван парк Пушкин, каде постои и биста на овој великан, а исто така, неговото име го носи и една улица во општината.
Средбата со рускиот амбасадор Баздникин беше заокружена со идеи за нови соработки, соопшти Општина Кисела Вода.
Ново на Сител
-
Како линеарното покачување на пензиите ќе влијае врз ПИОМ?
-
Тема на денот со Љупчо Николовски, пратеник од СДСМ
-
100 дена Влада - Интеграција во ЕУ и подобрување на животниот стандард
-
Опозицијата за 100 дена Влада: Скандали, изговори и неисполнети ветувања
-
Пензионерите ги добија пензиите зголемени за 2.500 денари
-
Со средба во Прилеп пензионерите од повеќе градови од Македонија го одбележаа покачување на пензиите
-
Бизнисот разочаран, Синдикатот воздржан од 100-те дена нова Влада
-
Бактерија Стафилокока најдена во “бомбиците” кои ги јаделе децата од ОУ “Ѓорѓија Пулевски“