Руската војска: ОН одолговлекуваат со испораката на помош во Алепо

Руската војска ги критикуваше денеска Обединетите нации поради, како што тврди, одолговлекувањето на испораката на хуманитарна помош во подрачјата на Алепо, кои неодамна беа заземени од сириските владини сили.

Портпаролот на руското Министерство за одбрана генерал-мајор Игор Конашенков го повика во соопштение шефот на хуманитарната работна група на ОН за Сирија, Јан Егеланд да го забрза процесот за да обезбеди помош за тие подрачја.

Според него руската војска е единствен извор на храна, медицински и други залихи за 90 илјади жители на делови од Алепо, кои сириската војска ги зазеде оваа недела.