Русија спроведе воени вежби во Калининград

Русија организираше денеска воени вежби во Калининград, руска енклава на Балтичкото Море меѓу Полска и Литванија,  соопшти Командата на Балтичката флота, неколку дена откако висок руски функционер ги предупреди европските земји да не преземаат акција против Калининград.

„До 1.000 припадници на армијата учествуваа во контролата… и повеќе од 60 парчиња воена опрема“, соопшти Командата.

Покрај тоа, 20 бомбардери Су-27 и Су-24 извршија борбена обука во текот на ноќта, симулирајќи напади врз бавни воздушни и копнени цели, командни позиции и воена опрема во Калининград.

Причината за вежбите не се наведува ниту дали биле планирани.

Рускиот заменик-министер за надворешни работи Александар Грушко во средата ги предупреди европските земји дека не преземаат ништо против Калининград, нагласувајќи дека тоа би било „играње со оган“.