Русија силно ќе одговори на одлуката за протерување пемтина руски дипломати од Молдавија
Одлуката на молдависката Влада да протера петмина руски дипломати од земјата е насочена против политиката на претседателот Игор Додон, изјави заменик-рускиот министер за надворешни работи, Григориј Карасин и додаде дека Русија адекватно и силно ќе одговори.
- Сметаме дека ова е насочено против политиката за подобрувае на односите меѓу Русија и Молдавија, која ја спроведува претседателот Игор Додон, изјави Карасин, јави ТАСС.
Претседателот на Молдавија Игор Додон ја осуди одлуката на молдависката Влада да прогласи петминат руски дипломати за персона нон грата во земјата.
- Огорчен сум од непријателскиот потег на претставниците на молдависката дипломатија и категорички ги осудувам, изјави тој за ТАСС.
Додон рече дека оваа одлука е во спротивност со неговата желба да ги обнови односите со Русија.
Портпаролката на руското Министерство за надворешни работи Марија Захарова изјави дека ситуацијата околу протерувањето на руските дипломати од Молдавија е парадоксална, но индикативна.
- Јасно е дека тоа нема никаква врска со активностите на руските дипломати, но го илустрира развојот на ситуацијата во Молдавија, нагласи Захарова.
Молдависките власти протераа петмина членови на руската Амбасада во Молдавија, изјави денеска рускиот амбасадор во Кишињев, Фарит Мухаметшин.
Ново на Сител
-
Песков: Самитот меѓу Путин и Трамп во Алјаска ќе трае најмалку 6-7 часа
-
Во Албанија уапсени три лица за подметнување пожари, ситуацијата со пожарите подобрена
-
Независните кандидати наместо од еден отсто, треба да соберат потписи од 0,95 проценти од запишаните избирачи во ИЕ
-
Хакерски напад врз веб-страницата на српското МВР од IP-адреса од Холандија
-
Лишен од слобода 19-годишник во Тетово поради предизвикување пожар
-
Поради пожар во НП Јасен патот Македонски брод Скопје затворен за секаков вид возила
-
Кривична против седум лица поради „местење“ на фудбалскиот натпревар ФК „Кожуф“- ФК „Башкими“
-
Зеленски бара тројна средба по самитот Путин–Трамп на Алјаска