Русија противник на младите македонски кошаркари

Селекцијата на Русија ќе биде противник на младата кошаркарска репрезентација на Македонија во претстојниот настап на Европското првенство за играчи до 20 години, што се одржува во Халкида, Грција.

По дводневна пауза избраниците на селекторот Малинков продолжуваат со натпреварите во Б дивизијата на Европскиот шампионат.

Црвено-жолтите групната фаза ја завршија со само една победа и четири порази, во продолжението на првенството ќе разигруваат за пласман од 9-тото до 16-тото место.

А, прв противник во разигрувањето е силната репрезентација на Русија против која црвено-жолтите ќе играат во терминот од 17 часот и 45 минути.