Русија: Го освоивме досега најголемиот град во Украина | ВИДЕО

Руското Министерство за одбрана соопшти дека руските војници го зазеле градот Херсон во јужна Украина. Ако руското тврдење е точно, тоа е најголемиот украински град окупиран од Русите.

Руските сили синоќа влегоа во Херсон. Според локалните извештаи, руската армија синоќа била на улиците.

Рано утринава, градоначалникот Игор Коликаев изјави за локалното радио дека руските сили ја презеле градската железничка станица и пристаништето во вторникот вечерта, јавува „Би-Би-Си Русија“ (BBC Russian). „Борбите сега траат, а окупацијата на нашиот град е во тек“, рече тој.

Тој рече дека многу луѓе биле убиени, вклучително и украински војници и цивили, а владините претставници сега се обидуваат да обезбедат луѓето да го напуштат градот или да се засолнат.