РТС: Во новата српска влада тројца нови министри

Српската мандатерка Ана Брнабиќ ќе упати денеска прелог до Собранието за состав на нова влада и според РТС, меѓу нив се и три нови министри кои не беа во претходната влада.

Имено, Бранко Ружиќ, потпретседател на Социјалистичката партија ќе биде предложен за министер за локална самоуправа, поранешниот градски секретар Роран Триван ќе биде министер за заштита на животната средина и лидерот на СНП, Ненад Поповиќ ќе биде министер без ресор задолжен за иновации.

Брнабиќ ќе предложи министер за одбрана да биде Александар Вулин, а Зоран Ѓорѓевиќ – министер за труд. За европски интеграции ќе биде задолжена досегашната министерка без ресор – Јадранка Јоксимовиќ.

Потпретседатели ќе останат Ивица Дачиќ, Небојша Стефановиќ, Зорана Михајловиќ и расим Љаиќ. Брнабиќ ќе предводи тим од 18 министри и тројца без ресор.