РСБСП: Возете внимателно за празникот на љубовта и виното

Републичкиот совет за безбедност на сообраќајот на патиштата упатува апел возачите да управуваат совесно и одговорно со своите возила за време на празниците Свети Валентин и Свети Трифун. 

-Празниците се време за средби со најблиските и за создавање незаборавни спомени, но и време кога сообраќајот на патиштата е поинтензивен и неопходно е да се посвети посебно внимание на безбедноста на сите учесници во сообраќајот. За време на празникот на љубовта и виното возете внимателно! Наздравете за пријателствата, за искреноста, за среќата на живеењето, за безброј среќни моменти исполнети со многу љубов, се вели во денешното соопштение од РСБСП.

Љубовта, велат оттаму, оправдува многу нешта, но не и загрозување на безбедноста во сообраќајот. Затоа РСБСП упатува апел до граѓаните ако возат да не пијат, ако пијат да не возат,  да користат такси превоз или јавен превоз, да ги почитуваат сообраќајните правила и прописи, да возат внимателно и да се грижат за сите учесници во сообраќајот.