Роналдо под истрага за кршење на здравствениот ковид протокол
Италијанската полиција истражува потенцијално кршење на здравствените ковид протоколи од страна на напаѓачот на Јувентус, Кристијано Роналдо, кој наводно патувал во ризичниот регион Вале д’Аоста, на североистокот на Италија.
Локалната полиција, како што јави италијанската агенција АНСА; потврди дека во тек е истрага за дводневниот престој на Роналдо и неговата девојка Георгина Родригез, во вторникот и средата, во алпското гратче Курмајер.
Како доказ се наведуваат видеоснимки на социјалните мрежи на кои се гледа како Роналдо и Георгина седат на моторни санки, прославувајќи го 27. роденден на Родригез.
Во Италија на сила е забрана за патување во регионите кои се во „портокалова зона“ поради епидемијата на коронавирус, што ги вклучува и областите Пиемонт и Вале д’Аоста.
Доколку се докаже дека Роналдо патувал во ризичниот регион го очекува висока парична казна, наведува италијанската агенција.
Ново на Сител
-
Maкедонската младинска репрезентација го освои деветтото место на Европското првенство
-
Претседателите на Демократската партија во сите 50 сојузни држави во САД ја поддржаа кандидатурата на Харис
-
Седници на собраниските комисии за политички систем, за одбрана и безбедност и Законодавно - правната комисија
-
Судскиот совет денеска ќе расправа по претставки и поплаки од граѓани и правни лица за работата на судиите
-
Ребалансот на Буџетот во четврток на седница на собраниската Комисија за финансирање и буџет
-
Радев ќе го врачи вториот мандат за формирање влада
-
Претседателката на ЕБОР Одил Рено-Басо во посета на Северна Македонија
-
Во Србија подарок од 5.000 евра за секој купувач на електричен автомобил