Роналдо му препорачал на Дибала да се пресели во Јунајтед

Кристијано Роналдо го советувал Пауло Дибала да му се придружи на Манчестер Јунајтед доколку сака да игра во шампионски тим. Ова се случило во заедничка група на фудбалери на Јувентус во апликацијата „ВатсАп“ и доколку Аргентинецот го прифати предлогот, тогаш патот на Ромелу Лукаку до Торино се чини целосно отворен, пренесува „Дејли Мејл“.

Роналдо го дал своето одобрение за овој трансфер и му напишал на Дибала дека за да продолжи да освојува трофеите, како што направи во последните години со Јуве, мора да игра на „Олд Трафорд“.

Интересно е да се напомене дека Португалецот учествувал и во трансферот на Матаис Де Лихт, кого го советува и за трансферот, но во неговиот сегашен тим.

Роналдо, заедно со директорот Фабио Паратичи и потпретседателот Павел Недвед, се смета за еден од највлијателните луѓе во клубот од Торино.