Македонија
27. September 2018 - 22:26

Ромеро: Референдумот во недела е многу важен момент за граѓаните

Италијанскиот амбасадор Карло Ромеро денеска за МИА изјави дека референдумот во недела е многу важен момент за граѓаните, нагласувајќи дека тоа е историски момент за Македонија. 

- Тие имаат можност да избираат, што е едно од најфудаменталните права во демократијата. Да ја изберат иднината што ја сакаат, истакна Ромеро. 

Тој, процесот за влез во Европската Унија го оквалификува како „долг“, но посочи дека на крајот носи „конкретни резултати“. 

- Мислам дека е историска можност за граѓаните да одлучат. 
Како претставник на Италија, можам да кажам дека земјата секогаш ја поддржувала Македонија како земја, македонските институции. Ние сме многу блиски со оваа земја и ќе ги поддржиме доколку одлучат. Тоа ќе биде начин за интеграција во ЕУ и НАТО, наведе италијанскиот амбасадор. 

Посочи дека Италија сака Македонија да биде дел од ЕУ, како и дека од самиот почеток сака да и помогне на земјата да биде прифатена од страна на Унијата и НАТО.