Романија на второ место по смртност за 24 часа од Ковид-19 во Европа

Трет ден по ред, повеќе од дваесет луѓе починаа како резултат на инфекција со коронавирус во Романија.

Денеска се регистрирани 23 смртни случаи од изминатото деноноќие, со што Романија е на второто место во Европа по бројот на жртвите во изминатите 24 часа, зад Русија, која денес забележа 168 починати.

Во Романија, досега вкупно 1.713 луѓе починале од коронавирус.

Регистрирани се 416 новозаразени лица, со што вкупниот број на заболени порасна на 28.582.