Роднокрајни поетски средби

Во организација на Здружението за развој на култура и заштита на културното наследство „Контекст - Струмица“ вечер на „Сцена 112“ во Струмица ќе се одржат традиционалните Роднокрајни поетски средби.

Покрај стандардните роднокрајни поети и автори, ќе се претстават и Давор Крстевски и Иле Наумов од Куманово, а промовирана ќе биде и првата стихозбирка „Јас, Квентин Скриблер“ на Јосип Коцев.

- Целта на манифестацијата која се одржува осми пат, е да ги зближи роднокрајните автори и да креира јадро за нивно запознавање, презентација и промоција, како и да и понуди на публиката поети од Македонија и странство кои досега не настапувале во градот, а имаат желба тоа да го направат, велат организаторите.

На досегашните седум Роднокрајни поетски средби учествувале преку педесет автори од Струмица, регионот и пошироко.