„Рисовите“ ги стартуваа подготовките за Лихтенштајн
Македонската А репрезентација ги започна подготовките за последните два натпревари од Лига на нации против Лихтенштајн (16. ноември, Вадуц) и Гибралар (19. ноември, Национална арена „Филип Втори“.
Нашата најдобра селекција првиот дел од подготовките ги започна во швајцарското место Фусисберг каде што ќе одработи три тренинзи пред заминувањето во Вадуц в четврток.
Денеска попладне тимот на селекторот Игор Ангеловски ќе биде комплетен со доаѓањето на капитенот Горан Пандев.
-Не очекуваат два натпревари, последни за нас во групата од Лига на нации, но сега сме фокусирани на дуелот со Лихтенштајн. Очекуваме да го потврдиме првото место во групата, со наша добра игра и освојување на три бода од Вадуц. Мислам дека сме во добра форма и очекувам подобро издание на Македонија во однос на предходниот месец. Со две победи ние сме први во групата и во тоа треба да веруваме. Секако, овој дуел ќе биде сосема различен од меѓусебната пресметка во Скопје. Мора да ја преземеме иницијативата и поседот на топка, но исто така да бидеме внимателни, изјави Бобан Николов.
-Овој натпревар е ново докажување за нас. Треба да покажеме карактер и да победиме против Лихтенштајн. Лихтенштајн е важен и за враќање на позитивните резултати, имаме многу мотиви да се покажеме во најдобро светло и да го потврдиме првото место во групата. Се надевам дека ќе успееме во тоа, мал притисок постои, но сето тоа е добро за да бидеме сконцентрирани на подготовките, а посебно на мечот во Вадуц, изјави Стефан Спировски.
Елиф Елмаз поради болка во грбот и Дени Илиев поради болка во рамото тренираат со помал интензитет. Денешниот тренинг на македонската репрезентација е закажан во 12:00 часот.
Ново на Сител
-
Палчо ја помина првата вечер во притвор во „Шутка'', од неговата партија бараат биохемиска анализа на оброците
-
Први преговори ВМРО-ДПМНЕ - ВЛЕН
-
Мицкоски: Во изјавите ќе го користиме терминот Македонија
-
Мицотакис: Не ги потпишуваме договорите од Преспа, тие се наше оружје
-
Се поставуваат безбедносни камери во зградата на Кацарска, овој инцидент е загрозување на нејзината безбедност
-
Демири не кажа дали договорците на Токсикологија се стручни туку му било жал што работеле без пари
-
Анализа на македонски експерти: Кои се мотивите за атентатот врз словачкиот премиер?
-
Палевски преноќи во Шутка