Ридли Скот подготвува продолжение на „Прометеј“

Кога филмот „Прометеј“ на Ридли Скот се појави во кината, мислењата на гледачите беа поделени, а многумина, меѓу другото, констатираа и дека необичната поврзаност на ова остварување со „Осмиот патник“ отвора повеќе прашања, отколку што нуди одговори.

Се разбира постои поврзаност. Така откривме кој е мистериозниот Спејс Џокеј, а се појави и легендарното чудовиште, секако во ново издание.

Скот во моментов работи на продолжение на „Прометеј“ кое ќе ги следи авантурите на преживеаните ликови, Елизабет Шо и андродиот Девид. Многу фанови сакат да знаат дали режисерот појасно ќе ги вклопи во постоечката франшиза и како тоа планира да го направи.

- Да, филмот на крај ќе се спои со „Осми патник“, но не во ова продолжение. Тоа може да се случи во следниот дел или можеби дури во четвртиот филм. Поентата е да се објасни приказната и како е дојдено до настанување на „осмиот патник“. Секогаш мислев дека чудовиштето претставува оружје од бактериолошката војна. Секогаш мислев дека е оригинален брод, кој сакам да го нарекувам кроасан, всушност претставува воен брод во кој се наоѓаат суштетства создаден со само една цел - уништување, изјави Скот.

Како на крајот ќе изгледа сето тоа, ќе видиме во мај 2017 година кога продолжението на „Прометеј“ би требало да се појави во кината.