Резулатите на починатиот маж од Битола и починатата родилка од Охрид се негативни на Ковид-19
Министерството за здравство информира дека се готови резултатите на две лица кај кои постмортем е земен брис за тест на Ковид – 19.
Мажот на возраст од 66 години, кој на 30.03 од страна на МВР при извршување на рутинска контола на лице во домашна изолација, беше пронајден починат во својот стан во Битола е негативен на коронавирусот. Брисот беше земен истиот ден од страна на Центарот за јавно здравје во Битола и испратен во Скопје на анализа. Починатиот, по враќање од Англија бил во 14 дневна изолација, а истата требала да заврши на 30 март. Од познати комобирдитети, имал дијабет и хипертензија.
Негативен на Ковид -19 е и резулатот на родилката од Охрид, која доцна синоќа почина на Клиниката за гинекологија и акушерство во Скопје.
Пациентката на возраст од 37 години беше вчера попладне донесена во Скопје со возило на брза помош во високо фебрилна состојба и со мртов плод.
Како што информираше Клиниката за гинекологија и акушерство по пристигнување, на пациентката уште веднаш и е направена целосна лабораторија и земен брис за Ковид-19. Лекарите оперативно го извадиле плодот, а од стомакот на мајката е евакуиран гној. Причина за смртта е најверојатно сепса со масивна тромбемболија. Пациентката e пратена на обдукција по што ќе има егзактна дијагноза.
Според извештајот на Клиниката, се работело за екстремно обезна пациентка, со телесна тежина од околу 150 кг, со висок крвен притисок и тахикардија, која во последните 5 месеци воопшто не се движела, а согласно податоците од докторите во Охрид, пациентката не ги извршувала ниту потребните гинеколошки контроли.
Ново на Сител
-
Во Скопје 114 санкционирани возачи, 13 без возачка
-
Маж фрли молотов коктел пред израелската амбасада во Букурешт
-
Во Собранието седница на Комисијата за изборите и именувањата, одржана првата координација
-
Нови протести на европските земјоделци во Брисел
-
САД се уште го чекаат одговорот од Хамас за прекин на огнот во Газа
-
Сообраќајот тековно по суви коловози
-
Сончево и топло, до 36 степени, попладне можен краткотраен пороен дожд
-
Собранието за утре закажа седница на Комисијата за изборите и именувањата