Рекордно намален бројот на илегални мигранти на границата меѓу САД и Мексико

Бројот на илегални мигранти задржани на границата меѓу САД и Мексико е намален минатиот месец на најниско ниво во изминатите 17 години, изјави американскиот министер за внатрешна безбедност Џон Кели.

Тој пред Комисија на Сенатот изјави дека помалку од 17.000 луѓе без документи биле приведени минатиот месец во овој реон. Таа бројка е најниска од 2000 година.

Во февруари, пак, 23.589 илегални мигранти биле приведени на границата меѓу САД и Мексико.