Реконструкција на водоводната мрежа во Кочани
Инвестициската активност во делот на изградбата и реконструкцијата на водоводната мрежа во општина Кочани ќе продолжи и наредната година. Во Програмата за инвестирање во системите за водоснабдување за идната година, подготвена од општина Кочани за планираните зафати реконструкција на постојната и изградба на нова, ќе бидат потребни околу 2 милиони денари.
Во програмата за изградба на системите за водоснабдување во 2017 година, истакнуваат од Одделението за комунални дејности во Општина Кочани, веќе е изготвен проект во кој е дадена вкупната вредност на инвестицијата за територијата на целата општина, вклучувајќи ја и ниската зона во градот. Според планот за изградба на нова водоводна мрежа во централното градско подрачје се предвидува дека ќе бидат потребни 300.000 денари.
За решавање на проблемите со водоснабдувањето на улиците „Плачковица“ и „Гошо Викентиев“, истакнуваат од Општината, за догодина е планирана реконструкција на водоводната мрежа за што ќе се наменат околу 1 милион и 200 илјади денари. Исто така се предвидува изградба на водоводна мрежа и на други локации низ градот и населените места во општината, за што граѓаните веќе платиле надоместок за уредување на градежно земјиште, а за што се предвидени 300.000 денари. Останатата сума од 200 илјади денари, пак, ќе се инвестира за набавка на водоводни црева за водоснабдување за селата во планинскиот дел.
Ново на Сител
-
Тема на денот со Андреј Петров
-
Гаши ги распиша изборите, првиот круг локални на 19 октомври
-
Истрага за полицаецот кој без налог сакаше да ја приведе директорката од Демир Хисар
-
Министерот за здравство и ги одзеде ингеренциите на Стоматолошката комора поради сериозни пропусти
-
СДСМ пак предлага минималец од 500 евра, ВМРО-ДПМНЕ чека договор меѓу синдикатите и работодавачите
-
Петрушевски: Каде се СДС сега да го нападнат главниот обвинител Коцевски или да прашаат за некоја истрага?
-
И годинава атракција пловењето по Охридското Езеро
-
Македонија единствена држава на Балканот која нема своја историска база на податоци