Рекетот на Ѓоковиќ од финалето на АО во 2012 година е продаден за рекордна цена

Тенискиот рекет со кој српскиот тенисер Новак Ѓоковиќ го освои финалето на Австралија опен во 2012 година е продаден на аукција за 540.000 долари, објави „ESPN“.

Оваа цена е рекорд на сите времиња за тениски рекет. Претходниот рекорд беше поставен во 2025 година, кога рекетот што го користеше Шпанецот Карлос Алкараз, оној што му го донесе финалето на Вимблдон во 2023 година против Ѓоковиќ, беше продаден за 173.000 долари.

Финалето на Австралија Опен во 2012 година, во кое Ѓоковиќ го победи Шпанецот Рафаел Надал во меч од пет сета, е најдолгото во историјата на Грен слем турнир. Мечот траеше 5 часа и 53 минути.

Триесет и осумгодишниот Ѓоковиќ го држи рекордот во машка поединечна конкуренција за најмногу Грен слем титули (24) и најмногу недели на првото место на светската ранг-листа (428). 

Србинот има 101 АТП титула, златни и бронзени олимписки медали и трофеј на Дејвис купот.

МИА