Регистрирани седум нови случаи на Ковид-19 во Албанија
Во Албанија, според денеска соопштените официјални податоци, во последното деноноќие регистрирани се седум нови случаи со Ковид-19, со што вкупната бројка сега изнесува 789 лица, кај кои е потврдено присуството на новиот коронавирус.
Од новодијагностицираните пет лица се од Тирана и по еден од Круја и од Кукс.
– Од вкупниот број заразени во списокот на оздравени се 519 лица, додека за жал борбата со опасниот вирус и покрај сите напори на лекарите, ја изгубија 31 лице. Моментно во земјата има 239 активни пациенти со коронавирус, поголемиот број од нив со лесна форма и се лекуваат во домашни услови, изјави Еугена Томини од Инситутот за јавно здравје.
Имајќи ги во предвид овие податоци, додаде таа, актуелната епидемиолошка ситуација се оценува како стабилна.
Во Инфективната клиника и во болницата „Шефќет Ндроќи“ хоспитализирани се 31 пациент, што е најмал број досега, од нив седуммина се на интензивна нега.
Досега во Албанија направени се вкупно 8.669 тестирања, заедно со 171 тестирање во последното деноноќие.
Ново на Сител
-
Шведска може на Украина да и продаде помеѓу 100 и 150 борбени авиони „Грипен“
-
Вонредна есенска дератизација на територија на Општина Центар
-
Под истрага 12 лица осомничени за лихварство и перење пари
-
Нетанјаху: Израел не е протекторат на САД
-
Вардар четвртфиналист во фудбалскиот Куп на Македонија
-
Мицкоски: Потпишавме Меморандум за разбирање со „Бурсток“, која ќе инвестира во наменската воена индустрија во Македонија до 150 милиони долари
-
Координативна средба на Ѓорѓиевски со советничките групи од коалицијата – во фокус на разговорот биле првите чекори по преземањето на градот
-
ЕП усвои резолуција за Србија