Регистрирани 1.078 иновативни фирми од 2012 до 2014 година

Илјада и седумдесет и осум иновативни деловни субјекти работеле во државава во периодот од 2012 до 2014 година, објави денеска Државниот завод за статистика (ДЗС).

Иновативни фирми се оние кои во периодот на набљудување вовеле иновација на производ, процес, организациска или маркетинг иновација.

Од 1.078-те иновативни деловни субјекти, 37,1 процент вовеле иновација на производ и процес, 35,8 проценти организациски и маркетинг иновации, а 19,1 процент истовремено вовеле производ, процес, организациски и маркетинг иновации, покажуваат податоците на ДЗС.