Регионална обука за користење средства од ИПА програмата

Во Берово денеска завршува обуката за зајакнување на капацитетите на земјите кориснички на средствата од ИПА програмата.

 

Како што информираат од Општна Берово, обуката е организирана од страна на Генералниот директорат за соседство и преговори за проширување при Европската комисија, а темата е „Зајакнување на улогата на ревизорските тела и канцелариите за поддршка на НАО“, на земјите кориснички на средствата од ИПА.

 

Од Општината потенцираат дека целта е и да се дадат генерални насоки за обезбедување на предизвиците со кои овие институциите се соочуваат при преминот од  Програмата ИПА1 кон ИПА 2 Програмата.

 

На семинарот присуствуваа повеќе од 100 учесници од соодветните институции од земјите од регионот, како од Македонија, Србија, Турција, Црна Гора и Албанија, исто така  и експерти/предавачи од неколку земји, меѓу кои и од Македонија, Германија, Бугарија, Хрватска, Турција и предавачи од ЕК.

 

Присутните учесници на семинарот се запознаа и со проектот „Обновување на природата за подобар квалитет на животот“ реализиран во Берово со средства од фондовите на ИПА, преку кој е реконструиран кејот на реката Брегалница.