Регионална конференција за младинско претприемаштво во Западен Балкан
Во организација на Британскиот совет денеска во Скопје ќе се одржи регионална конференција за младинско претприемаштво во земјите од Западен Балкан.
Претставници од Босна и Херцеговина, Косово, Македонија, Србија и Црна Гора на заедничка маса ќе расправаат за прашања поврзани со младинското претприемаштво и за можностите за регионална соработка на ова поле. Поканети се 50 учесници од регионот, вклучувајќи креатори на политиките и носители на одлуки, претставници на деловниот сектор, како и млади и креативни претприемачи.
Говорници од Велика Британија и од петте земји од регионот ќе дискутираат на темата „Поттикнување на младинското претприемаштво низ четири тематски области: претприемаштвото во образовните реформи, владини политики и мерки, гледиштата на деловните инкубатори и улогата на младинксите мрежи и организации.
Како што е најавено, конференцијата треба да ја отворат министерот за образование и наука, Абдилаќим Адеми, британскиот амбасадор во Македонија Чарлс Едмунд Гарет и регионален директор за образование во Британски совет Хелен Силвестер
Конференцијата се спроведува како дел од проектот „Поттикнување на младинското претприемаштво во регионот на Западен Балкан“ и е поддржан од Министерството за надворешни работи на Обединетото Кралство и Северна Ирска и ги опфаќа петте земји од регионот: Босна и Херцеговина, Косово, Македонија, Србија и Црна Гора.
Ново на Сител
-
Силјановска Давкова: Добивањето на уверението од ДИК и прогласувањето во Собранието се формално финале на изборите
-
Приведени двајца кумановци за поседување дрога
-
Променливо време со повремен дожд и во наредните денови
-
Априлската инфлација во Албанија 2,1 отсто и понатаму најниска во регионот
-
Српско МВР: Се утврдуваат фактите и околностите под кои во полицијата починал Д.Д. осомничен за случајот со Данка И.
-
Гордана Сиљановска Давкова го доби Уверението од ДИК за претседател на државата
-
ЦУК: На 112 изминатото деноноќие 1951 повик, меѓу кои и за спасување жена падната покрај пат
-
САД испраќаат нов пакет воена помош за Украина вреден 400 милиони долари