Редовен октомвриски самит на лидерите од ЕУ
Лидерите на ЕУ 27 денеска и утре ќе одржат во Брисел редовен октомвриски самит на кој ќе разговараат за зголемувањето на цените на енергенсите, забрзување на вакцинацијата против Ковид-19 во Европа, владеење на правото во Полска, односи со ЕУ со партнерите во источното соседство, зајакнување на улогата на ЕУ во меѓународната трговска сцена и политиката за миграција и азил.
Во пресрет на овој самит во Брисел, тие најавуваат дека ќе биде 107. и веројатно последен самит на кој канцеларката Ангела Меркел ќе ја претставува Германија.
Самитот на лидерите на ЕУ почнува денеска во 15 часот со работна сесија посветена на актуелното поскапување на енергенсите, што е предизвик за постпандемиското закрепнување и сериозно ги погодува европските граѓани и компании.
„Ќе разгледаме што може да се направи на ниво на ЕУ и на национално ниво, и во однос на краткорочното олеснување за најранливите и среднорочните и долгорочните мерки“, изјави претседателот на Европскиот совет, Шарл Мишел.
Во писмото со покана до лидерите на ЕУ, Мишел посочи дека пандемијата Ковид-19 „се уште не е завршена и дека бројките се зголемуваат во неколку земји-членки“.
Октомврискиот самит на ЕУ завршува утре со дискусија за европската дигитална трансформација, што, според Европскиот совет, е клучен двигател на економскиот раст, создавањето работни места и конкурентноста.
Ново на Сител
-
Маричиќ во работна посета на Шведска
-
Бугарија: Нови закани за поставени бомби низ училишта
-
Мицкоски - Бренан: Продолжува добрата соработка меѓу ВМРО-ДПМНЕ и ИРИ
-
Се договорија Синдикатите и Министерството за здравство
-
Поскапува мазутот, цените на бензините и дизелот остануваат исти
-
Ковачевски утре во Белград на средби со Вучиќ и Брнабиќ
-
Струјата во второто полугодие лани поскапела за 12,6 отсто
-
Спасовски за дојавувачите на бомби: Има група, кога ќе имаме докази ќе има и кривична