Реализирано есенско порибување во Национален парк „Маврово"

- Во Национален парк „Маврово“ заврши есенското порибување на водите на територијата на паркот за разновидност на рибниот фонд.

Како и претходните години, со порибување беа опфатени неколку локации по течението на реката Радика со нејзините притоки и Мавровското Езеро, кои се најзначајните водни живеалишта во Националниот парк.

Во Мавровско Езеро се уфрлени 200 килограми крап и 100 килограми поточна пастрмка. Реката Радика и притоките се порибени со 100 кг поточна пастрмка.

Есенското порибување го следеше надлежен инспектор и  беше со стручна поддршка од вработените во ЈУНП „Маврово".

МИА