Раул Гонзалес оптимист пред дуелот со Рајн-Некар

 

 

 Македонскиот ракометен првак Вардар утревечер ги продолжува натпреварите во Лигата на шампионите и тоа со тешкото гостување во Германија кај Рајн-Некар.

 

Тренерот на вардарци Раул Гонзалес, смета дека неговите избраници имаат реални шанси за победа.

 

- Мора да влеземе фокусирани во овој натпревар и мислам дека можеме да одиграме добро и да оствариме добар резултат. Како на нас така и на Рајн-Некар му треба победа доколку сака да подобра позиција за разигрувањето. Знам дека ќе биде тешко, но мислам дека имаме шанси за победа, се вели во изјавата на Гонзалес објавена на веб страната на клубот.

 

Во првиот меѓусебен дуел одигран во Скопје, на почетокот на октомври минатата година, македонскиот шампион славеше победа со 25:19. 

 

Утрешниот натпревар во Франкфурт, ќе започне од 19 часот и 30 минути. Во пресрет на овој меч германската екипа е третото место на табелата со 13 бодови колку што има и четврто рангираниот ПИК Сегед, додека Вардар е петти со бод помалку.