Расте приливот бегалци кон грчките острови

Бројот на бегалци и имигранти кои се движат кон Грција, постојано расте. Само последново деноноќие на островите пристигнале нови 600 луѓе, што се смета за рекорд за последните неколку месеци, пишува „Катимерини".

Локалните власти се уште не можат да дадат проценка - дали овој раст е само моментна појава предизвикана од пријатните метеоролошки услови или пак, станува збор за тенденција која ќе ја усложни и онака тешката ситуација на островите.

Податоците покажуват дека во август, на грчките острови пристигнале најмалку 2.400 бегалци и мигранти, од кои само половината во последната седмица  од месецов.