Рама: Нема повеќе шатори, сите ќе бидат сместени во хотели
Албанскиот премиерот Еди Рама на вонредна владина седница најави дека стручни тимови за проценка на штетите ќе започнат со работа денеска, и дека досега се донирани пет милиони евра и повеќе од милион американски долари помош за погодените од земјотресот. Според него, тоа не е последната сума.
Рама објави дека шаторите поставени во Туман и Лач ќе бидат отстранети, а семејствата сместени во хотели.
Сепак, жителите на околните села не сакаат да одат во хотели бидејќи, како што рече Рама, тие сакаат да останат во шатори за да може да се грижат за нивните земјоделски стопанства.
Рама потврди дека досега загинале 49 лица, вклучително и деца,од нив во Драч 25, во Туман 23 и една жртва во Курбин.
Потрагата по преживеани беше прекината вчера во Тумана, а потоа и во Драч.
Според него, 3.480 луѓе се без дом во округот Тирана.
Во Драч се регистрирани 701 оштетени објекти, од кои 12 целосно уништени, а 176 оштетени.
Во Тирана, 15 згради се целосно уништени, 239 оштетени и осум згради не се во употреба.
Рама повтори дека секој кој има некој канал за комуникација и истиот го употребувал за да шири лажни вести, или ширење на паника помеѓу народот ќе биде затворен.
Владата прогласи вонредна состојба и во градот Лач – тешко погоден во силниот земјотрес од 26 ноември.
Ново на Сител
-
Мицкоски: Очекувам ДУИ да оди во опозиција, немаме ни елементарна доверба за соработка со нив
-
Ново бебе алпака во скопската Зоолошка градина
-
Вучиќ: Една третина од новата српска влада ќе биде составена од нови луѓе
-
Осигурителните компании не ја почитуваат препораката на Финансии, полисите и денеска по повисоки цени
-
Следува период на променливо време со повремени локални врнежи од дожд
-
РКЕ: Само 2,75 отсто од струјата е од увоз, на праг сме до енергетски независна држава
-
Мајката на починатата студентка од Кавадарци во Штип лани измасакрирала и запалила човек
-
Судир на два автомобили и камион со приколка на автопатот „Пријателство“, тешко повредено едно лице