Ракомет
30. October 2016 - 20:40

Ракометарите ги почнаа подготовките

Машката ракометна репрезентација попладнево ги почна подготовките за претстојните два дуела од квалификациите за Европското првенство 2018 во Хрватска. Во среда Македонија ја пречекува селекцијата на Украина, а потоа во сабота и гостува на Чешка.
На првиот тренинг селекторот Лино Червар ги немаше дел од ракометарите кои играат во странство, а кои поради натпреварите со своите екипи на селекцијата треба да и се приклучат во текот на утрешниот ден.
За почетокот на квалификациите селекторот Червар изјави:
- Ова е нов старт на нов циклус на квалификации. Наша желба е да играме на големите натпреварување. Од овие два дуела одиме чекор по чекор, затоа најважно е на почетокот да извојуваме победа над Укрина, а дури потоа ќе мислиме на Чешка.
Репрезентацијата до дуелот со Украина ќе одржи три тренинзи (два во понеделник и еден во вторник). Натпреварот Македонија – Украина се игра во среда во „ВИП Арена“ во СЦ „Борис Трајковски“ со почеток во 18:30 часот.